18, సెప్టెంబర్ 2020, శుక్రవారం

నా పరువం నీకోసం...

అసలు సిసలైన మాస్ సినిమాలంటే అన్నగారి సినిమాలే మాస్ సాంగ్స్ అంటే ఆయన సినిమాలో సాంగ్సే. యుగంధర్ సినిమా లోని ఈ ఇళయరాజా గారి పాటను జానకి గారు భలే పాడారు. జయమాలిని అభిమానులకు వినడానికే కాదు చూడడానికి కూడా బావుంటుందనుకోండి. 
ఎంజాయ్ ద వీకెండ్ విత్ దిస్ వింటేజ్ సాంగ్. 

ఈడియో ::


15, సెప్టెంబర్ 2020, మంగళవారం

ఈ వెన్నెల రాతిరి...

మణిరత్నం ఏం చేసినా ఓ ప్రత్యేకత ఉంటుంది. అలాంటిది ఇక స్పెషల్ సాంగ్స్ అంటే ఇంకెంత ప్రత్యేకంగా తీస్తారో చెప్పక్కర్లేదు కదా. గురుకాంత్ సినిమాలో టర్కిష్ బెల్లీ డాన్సర్స్ గా మల్లికా షెరావత్ మీద చిత్రీకరించిన ఈ పాట sizzling అనే పదానికి డిక్షనరీ మీనింగ్ లా ఉంటుంది. మయ్యా అంటే అరబిక్ లో నీరు అని అర్థమట. మరియమ్ టేలర్ అండ్ చిన్మయిల గానం, రెహమాన్ మ్యూజిక్, గుల్జార్/వేటూరి గార్ల లిరిక్స్ కుర్రకారును ఒక ఊపు ఊపేశాయి . సౌండ్ డిజైన్ ఎంత పర్ఫెక్ట్ గా ఉంటుందంటే డాన్సర్ ఒంటిపై బీడ్స్ శబ్దం కూడా వినిపిస్తుంది కొన్ని చోట్ల.

7, సెప్టెంబర్ 2020, సోమవారం

ఓణీ వేసుకున్న పూలతీగ...

కంటైనర్ ట్రాలర్ మీద అదీ రోడ్ పై వెళ్తూ ఉండగా అంతమంది గ్రూప్ డాన్సర్స్ తో మ్యూజికల్ ఇన్స్ట్రుమెంట్స్ తో స్టెప్పులతో పాట తీయడం అసలు ఎంత క్రేజీ ఆలోచనో కదా. అలాంటి క్రేజీ ఆలోచనకి పాట రాసే అవకాశం రామజోగయ్య శాస్త్రి గారికి వచ్చింది. పైగా అదే తన మొదటి పాట, గురువుగారు సిరివెన్నెల గారు తన ప్రియ శిష్యునికి ఓం రాసిచ్చినట్లుగా ఓ మాంచి పల్లవి రాసిచ్చారు. ఇంక తిరుగేముంది రాంజో కలం కదం తొక్కింది ఈ అందమైన పాటని మన ముందుంచింది. బొత్తాలు చిన్న మొత్తాల పొదుపు లాంటి రైమింగ్ పదాలతో కవ్వించి నవ్వించేశారు రాంజో. 

జెస్సీ గిఫ్ట్స్ కంపోజ్ చేసి పాడిన ఈ పాట ట్యూన్ కి, చిత్రీకరణకి, లిరిక్స్ కి కూడా నేను ఫ్యాన్ ని. బిగ్ బాస్ సీజన్ టూ చూసిన వాళ్ళకి అమిత్ తివారి తెలిసే ఉంటుంది. ఆ అమ్మాయ్ పేరు కౌశ కొన్ని సినిమాల్లో హీరోయిన్ గా కూడా చేసింది. ఇక ఈ పాటలో ఉన్న గ్రూప్ డాన్సర్స్ లో ఇప్పటి ఫేమస్ డాన్స్ మాస్టర్స్ శేఖర్ మాస్టర్, జానీ మాస్టర్ కూడా కనిపిస్తారు. మరి ఆలశ్యమెందుకు చూసి ఆనందించండి.

ఈడియో :: 


28, జనవరి 2020, మంగళవారం

జాతరో జాతరో...

గోపీ సుందర్ మెలోడీస్ ఎంత బావుంటాయో మాస్/ఐటం సాంగ్స్ కూడా అంతే బావుంటాయ్. ఈ మధ్యే వచ్చిన ఈ హుషారైన పాట విని మీరూ ఎంజాయ్ చేయండి. 

ఈడియో ::


25, జనవరి 2020, శనివారం

గంప నెత్తినెట్టుకోని...

మాల్గాడిశుభ పాడిన "చిక్ పక్ చిక్ భం" ఆల్బమ్ సూపర్ హిట్ అయిన రోజుల్లోదనుకుంటాను ఈ పాట. ఆ ఆల్బమ్ పాటలు రాసిన సాహితే ఈ పాట రాసింది కూడా. సెన్సార్ దాటిన వీడియోలో లిరిక్స్ కాస్త పర్లేదు కానీ ఆడియో లోవి మాత్రం స్ట్రిక్ట్లీ పెద్దలకు మాత్రమే. పాట ట్యూన్ అండ్ బీట్ మాత్రం మంచి హుషారుగా ఉంటుంది. 

ఈడియో ::