మాల్గాడిశుభ పాడిన "చిక్ పక్ చిక్ భం" ఆల్బమ్ సూపర్ హిట్ అయిన రోజుల్లోదనుకుంటాను ఈ పాట. ఆ ఆల్బమ్ పాటలు రాసిన సాహితే ఈ పాట రాసింది కూడా. సెన్సార్ దాటిన వీడియోలో లిరిక్స్ కాస్త పర్లేదు కానీ ఆడియో లోవి మాత్రం స్ట్రిక్ట్లీ పెద్దలకు మాత్రమే. పాట ట్యూన్ అండ్ బీట్ మాత్రం మంచి హుషారుగా ఉంటుంది.
హాయిగా రిలాక్స్ అయ్యే వీకెండ్ తర్వాత వచ్చే సోమవారాలు ఎంత కఠినమైనవో ప్రత్యేకంగా చెప్పాల్సిన పనే లేదు కదా. అలాంటి సోమవారాలు మొదలు పెట్టడానికి మనకో మాంచి హుషారైన పాట తోడుంటే ఆ కిక్కే వేరు అనిపిస్తుందా. మరి ఇంకెందుకు ఆలశ్యం ఎంచక్కా ఈ పాట వింటూ చూస్తూ స్టెప్పులేసుకుంటూ హుషారుగా మీ రోజు మొదలెట్టేయండి.
ఈ పాట ఈ బ్లాగ్ లో ఏ కేటగిరీలోకి వస్తుందబ్బా అని అట్టే ఆలోచించకుండా జానకి గారి గొంతులోని నిషాని గుండెనిండా నింపేసుకుని వీకెండ్ మొదలెట్టేయండి మజా మజాగా..
కిష్కింద కాండ అనే కామెడీ సినిమా కోసం కీరవాణి గారు జానపద బాణీలో స్వరపరచిన ఓ మాస్ సాంగ్ ఇది. అక్కడ సిల్క్ స్మిత ఉండడం వల్ల ప్లస్ పిక్చరైజేషన్ వల్ల దీనిని ఐటమ్ సాంగ్ అనచ్చేమో కానీ ఈ ట్యూన్ రూటే సెపరేటు.. నేను చెప్పడం ఎందుకు మీరే వినండి..
ఇండస్ట్రీలో ఓ వెలుగు వెలుగుతున్న హీరోయిన్ మొదటి సారి ఒక ఐటమ్ సాంగ్ చేస్తుందంటే మరి ఈ మాత్రం ఉండాలి కదా.. రాశి నిండుగా చీరకట్టుకుని కూడా కుర్రాళ్ళ గుండెల్లో గుబులు పుట్టించ గలిగిందంటే కారణం ప్రీతి గొంతు, లారెన్స్ మాస్టర్ సింపుల్ స్టెప్స్, శశి ప్రీతం ట్యూన్, కృష్ణవంశీ టేకింగ్.. వేటికవే అబ్బా..ఆహా..😉 అబ్బా..ఆహా..😉 అబ్బా..ఆహా..😉
ప్రస్తుతం మాములు పాటలు కూడా ఐటమ్ సాంగ్స్ లెవల్ లో తీస్తున్న రామ్ గోపాల్ వర్మ వచ్చిన కొత్తలో నైంటీస్ లో తీసిన ఓ మెలోడియస్ ఐటమ్ సాంగ్ తో మీ ఆదివారాన్ని ఆనందంగా ప్రారంభించండి.