మాల్గాడిశుభ పాడిన "చిక్ పక్ చిక్ భం" ఆల్బమ్ సూపర్ హిట్ అయిన రోజుల్లోదనుకుంటాను ఈ పాట. ఆ ఆల్బమ్ పాటలు రాసిన సాహితే ఈ పాట రాసింది కూడా. సెన్సార్ దాటిన వీడియోలో లిరిక్స్ కాస్త పర్లేదు కానీ ఆడియో లోవి మాత్రం స్ట్రిక్ట్లీ పెద్దలకు మాత్రమే. పాట ట్యూన్ అండ్ బీట్ మాత్రం మంచి హుషారుగా ఉంటుంది.
కిష్కింద కాండ అనే కామెడీ సినిమా కోసం కీరవాణి గారు జానపద బాణీలో స్వరపరచిన ఓ మాస్ సాంగ్ ఇది. అక్కడ సిల్క్ స్మిత ఉండడం వల్ల ప్లస్ పిక్చరైజేషన్ వల్ల దీనిని ఐటమ్ సాంగ్ అనచ్చేమో కానీ ఈ ట్యూన్ రూటే సెపరేటు.. నేను చెప్పడం ఎందుకు మీరే వినండి..
బాహుబలి సినిమా లోని ఈ పాట నా ఫేవరెట్స్ లో ఒకటి ఐటమ్ సాంగ్ ఐనా కూడా చైతన్యప్రసాద్ కమ్మటి తెలుగు పదాలతో చాలా అందంగా రాశారు. పూర్తిగా ఊహా ప్రపంచంలో విశృంఖలతకు అవకాశమున్నా రాజమౌళి కాస్ట్యూమ్స్ మొదలు చిత్రీకరణ వరకూ చాలా హుందాగా తెరకెక్కించాడు.
కీరవాణి మెలోడీస్ ఎంతమంచివి ఇస్తారో మాస్ బీట్ సాంగ్స్ కూడా అంతే బాగా కంపోజ్ చేస్తారు... ఈ పాటను ఎవరు మర్చిపోగలరు చెప్పండి.. అలాగే దరువేయకుండా వినగలవారెవరైనా ఉన్నారా... ఇంకెందుకు ఆలశ్యం వీకెండ్ ను మాంచి ఊపుతో మొదలెట్టేయండి....