రారోయి మా యింటికి..

ఒక అజ్ఞాత గారి రిక్వెస్ట్ మేరకు "రారోయి మా యింటికి" పాట ఎంజాయ్ చేయండి. 

ఆడియో :: 

http://gaana.com/album/donga-ramudu-telugu-0

ఈడియో ::

లిరికియో ::

రారోయి మా ఇంటికి 

"మ్మ్" 

రారోయి మా ఇంటికి మావో 

మాటున్నది మంచి మాటున్నది

"హాహ్హా" 

మాటున్నది మంచి మాటున్నది 

"ఆఁ" 

నువ్వు నిలిసుంటె నిమ్మ సెట్టు నీడున్నది 

"ఆహా" 

నువ్వు కూసుంటె కురిసీలో పీటున్నది 

"ఆహా" 

నువ్వు తొంగుంటె పట్టె మంచం పరుపున్నది 

"అహ్హహ్హహ్హ.. భలే భలే"..

మాటున్నది మంచి మాటున్నది 

రారోయి మా ఇంటికి 

"మ్మ్"..

మావో మాటున్నది మంచి మాటున్నది 

ఆకలైతే సన్నబియ్యం కూడున్నది 

"మ్మ్" 

నీకాకలైతే సన్నబియ్యం కూడున్నది 

"బావుంది బావుంది" 

అందులోకి అరకోడి కూరున్నది 

"అహహ్హ అవ్వల్రైట్ యెర్రీ గుడ్" 

అందులోకి అరకోడి కూరున్నది 

"ఆఁ" 

ఆపైన రొయ్యప్పొట్టు చారున్నది 

"అహహ్హా.. అబ్బో అబ్బో" 

మాటున్నది మంచి మాటున్నది 

రారోయి మా ఇంటికి 

"అంతేగా" 

మావో మాటున్నది మంచి మాటున్నది 

రంజైన మీగడ పెరుగున్నది 

"బుర్ వీ... చీ చీ చీ చీ" 

నంజుకొను ఆవకాయ ముక్కున్నది 

"ఆహ్.. డోంట్ వాంట్" 

రోగమొస్తె ఘాటైన మందున్నది 

"అహ్.. అహహ అహ్హ" 

రోగమొస్తె ఘాటైన మందున్నది 

"ఆ" 

నిన్ను సాగనంప వల్లకాటి దిబ్బున్నది 

"అహ్హహహహహహ ఊ ఓహొహొహొహొ"

సైన్మా :: దొంగరాముడు - 1955 

దరువుల్ :: పెండ్యాల 

రాతల్ :: సముద్రాల (సీనియర్) 

గొంతుల్ :: జిక్కి, ఆర్. నాగేశ్వరరావు 

ఈటీవీ - సై సై సయ్యారే...

ఒకప్పుడు "అంతరంగాలూ అనంత మానస చదరంగాలూ", "ఓ కళంకిత కళలకే అంకితా" అంటూ వ్యధాభరిత సీరియల్స్ కు కుటుంబకథా చిత్రాలకూ, టెలీఫిల్మ్స్ కు ప్రాముఖ్యతనిస్తూ ఫ్యామిలీ ఆడియన్స్ కు మాత్రమే పరిమితమయేది ఈటీవీ. అయితే నాలుగేళ్ళ క్రితం జూలు విదిల్చి మారుతున్న అభిరుచులను దృష్టిలో పెట్టుకుని ’జబర్దస్త్’ లాంటి ప్రోగ్రాములతో యువతని, ముఖ్యంగా మాస్ ని ఆకట్టుకునే ప్రయత్నాలు ప్రారంభించింది. అందులో విజయం సాధించి తామూ ఎందులోనూ తక్కువ కామని నిరూపించింది.
  

అంతే కాదు సాధారణంగా సభల్లోనూ, ఇంటర్వ్యూలలోనూ మాట్లాడని దర్శకేంద్రుడు రాఘవేంద్రరావును ఒప్పించి మొదటిసారిగా "సౌందర్యలహరి" పేరిట ఆయన సినిమాల గురించిన కబుర్లను ఆయనతోనే చెప్పిస్తూ ఒక టెలివిజన్ సిరీస్ ని విజయవంతంగా నడిపింది. ఇపుడు అదే స్ఫూర్తితో మరో అడుగు ముందుకు వేసి, రాఘవేంద్రరావు గారి చిత్రాల్లోని పాటలను ఇప్పటి కొరియోగ్రాఫర్స్ కి ఇస్తే ఎలా కంపోజ్ చేస్తారో పరీక్ష పెడుతూ ఒక సరికొత్త ప్రోగ్రామ్ ను డిజైన్ చేసింది. అదే ’సైసైసయ్యారే’ అనే ప్రోగ్రామ్. 

రాఘవేంద్రరావు గారంటేనే సెన్సువాలిటీకి పెట్టిందిపేరు మరి ఆయన పాటల గురించి ప్రత్యేకంగా చెప్పాలా. ఇందులోనివి ఐటం సాంగ్స్ కాకపోయినా కూడా ఈ బ్లాగ్ చూసే ఇంట్రస్ట్ ఉన్న రసికులకు ఖచ్చితంగా నచ్చుతుందనిపించి ఈ మొదటి ఎపిసోడ్ షేర్ చేస్తున్నాను. రకుల్ ప్రీత్ సింగ్ అతిథిగా వచ్చిన దీనిలో "కూలీ నంబర్ వన్" చిత్రం లోని ’కలయా నిజమా’, "ముగ్గురు మొనగాళ్ళు" చిత్రం లోని ’రాజశేఖరా’, "బొంబాయి ప్రియుడు" చిత్రంలోని ’రాజ్ కపూరు సినిమాలోని’ పాటల ఒరిజినల్ చూపించి, ఆపై డాన్స్ పెర్ఫార్మెన్స్ కూడా చూపించారు. ఆసక్తి ఉన్న వారు చూసి ఎంజాయ్ చేయండి.

’ఈటీవీ’లో ప్రతి మంగళవారం రాత్రి తొమ్మిది గంటల ముఫ్ఫై నిముషాలకు ఈ కార్యక్రమం ప్రసారమవుతుంది.  

నీ మీద నాకు ఇదయ్యో..

మోస్ట్ మెలోడియస్ ఐటంసాంగ్.. చిరంజీవి పుట్టినరోజు సంధర్బంగా.. ఎంజాయ్..

ఆడియో :: 

http://gaana.com/album/rakshasudu

ఈడియో ::

లిరికియో ::

నీ మీద నాకు ఇదయ్యో

అందం నే దాచలేను పదయ్యో

గిజిగాడి గిచ్చుళ్ళాయే.. చలిగాలి చిచ్చాయే

చేయించు తొలి మర్యాద.. యా యా యా యా

నీ మీద నాకు అదమ్మో

పందెం నీ అంతు చూస్తా పదమ్మో

నీ కళ్ళు కవ్విస్తుంటే.. ఆకళ్ళు మోపాయే

చేస్తాను తొలి మర్యాదా.. యా యా యా యా

నీ మీద నాకు ఇదయ్యో

పందెం నీ అంతు చూస్తా పదమ్మో

నీ వంటి మగమహరాజే మగడే ఐతే

నా వంటి కాంతామణికి బ్రతుకే హాయి

నీ వంటి భామామణులు దొరికే వరకే

ఈ బ్రహ్మచారి పొగరు కలుపు చేయి

నీ వీర శృంగారాలే..ఏ..ఏ..

నీ వీర శృంగారాలే చూపించవా

ఒకసారి ఒడి చేరి

నీ మీద నాకు అదమ్మో

అందం నే దాచలేను పదయ్యో

నీ చాటు సరసం చూసి గుబులే కలిగే

నీ నాటు వరసే చూసి వలపే పెరిగే

నీ చేతి వాటం చూసి ఎదలే అదిరే

నీ లేత మీసం చూసి వయసే వలచే

నీ ముద్దమందారాలే..ఏ..ఏ..

నీ ముద్దమందారాలే ముద్దాడనా

ప్రతి రేయి జత చేరి..

నీ మీద నాకు ఇదయ్యో

అందం నే దాచలేను పదయ్యో

నీ కళ్ళు కవ్విస్తుంటే.. ఆకళ్ళు మోపాయే

చేస్తాను తొలి మర్యాదా.. యా యా యా యా

నీ మీద నాకు ఇదయ్యో

పందెం నీ అంతు చూస్తా పదమ్మో

సైన్మా ::  రాక్షసుడు - 1986

దరువుల్ :: ఇళయరాజా

రాతల్ :: వేటూరి

గొంతుల్ :: బాలు, జానకి

సన్నజాజులోయ్ కన్నెమోజులోయ్..

రాఘవేంద్రరావు గారి సినిమాలలో మాములు పాటలే ఒకరేంజ్ లో ఉంటాయి ఇక ఐటమ్ సాంగ్స్ గురించి ప్రత్యేకంగా చెప్పాలా.. కానీ ఈ పాట చిత్రీకరణ కన్నా విశ్వనాథన్ గారు కంపోజ్ చేసిన ట్యూన్ నాకు చాలా ఇష్టం.

ఆడియో ::

http://gaana.com/song/simhabaludu

ఈడియో ::

లిరికియో ::

సన్నజాజులోయ్... కన్నెమోజులోయ్

సన్నజాజులోయ్... కన్నెమోజులోయ్

అల్లిబిల్లి సంతలోన పిల్ల గాలి జాతరాయే..

తళుకు బెళుకు కనవేరా

పాలవెల్లి పుంత కాడ పైట కొంగు జారిపోయె..

పడుచు గొడవ వినవేరా

సన్నజాజులోయ్... కన్నెమోజులోయ్

సన్నజాజులోయ్... కన్నెమోజులోయ్

హా..కన్ను కన్ను గీటుకుంటె సన్న సన్న మంటరేగే..

కలికి చిలుక ఇటు రావే..హాయ్ ...హాయ్...

ఒళ్ళు ఒళ్ళు మీటుకుంటే వగలమారి సెగలు పుట్టె..

వలపు పిలుపు విని పోవే

బానిసగా వచ్చావు.. నన్నే నీ బానిసగా చేసుకున్నావు

మగతనం చూపావు.. నాలో ఆడతనాన్ని నిద్ర లేపావు

రేయి తెల్లారి చల్లారి పోతుందీ రారా నా దొరా

తీగ అల్లాడి మాల్లాడి పోతుందీ రారా సుందరా

ఒకటున్నది నీలో.. ఒడుపున్నది నాలో..

అది వున్నది లేనిది తెలుసుకో..హా

మెరుపున్నది నాలో..ఉరుమున్నది నీలో..

అది నీదని ఇది నాదని హాయ్..మరిచిపో.. 

సన్నజాజులోయ్... కన్నెమోజులోయ్

అల్లిబిల్లి సంతలోన పిల్ల గాలి జాతరాయే..

తళుకు బెళుకు కనవేరా

ఒళ్ళు ఒళ్ళు మీటుకుంటే వగలమారి సెగలు పుట్టె..

వలపు పిలుపు విని పోవే

ఈ ద్వీపానికి దీపానివి నువ్వు..

ఈ లంకకే నెలవంకవి నువ్వు హహహ హహ

మల్లె పువ్వంటి రవ్వంటి మనసున్నదిలే .. మగతోడుందిలే

చింత చిగురంటి పొగరుంది .. వగరుందిలే.. సెగరేగిందిలే

వలపున్నది నాలో .. బలమున్నది నీలో ..

ఆ పట్టుని ఈ విడుపుని.. హా..కోరుకో...

సగమున్నది నాలో.. సగమున్నది నీలో ..

రెంటిని జంటగా మలచుకో..హాయ్

సన్నజాజులోయ్... కన్నెమోజులోయ్

అల్లిబిల్లి సంతలోన పిల్ల గాలి జాతరాయే..

తళుకు బెళుకు కనవేరా

వళ్ళు వళ్ళు మీటుకుంటే వగలమారి సెగలు పుట్టె..

వలపు పిలుపు విని పోవే

సన్నజాజులోయ్... కన్నెమోజులోయ్

సన్నజాజులోయ్... కన్నెమోజులోయ్

 

సైన్మా ::  సింహబలుడు - 1978

దరువుల్ ::  ఎం.ఎస్. విశ్వనాథన్

రాతల్ ::  వేటూరి

గొంతుల్ ::  బాలు, ఎల్.ఆర్. ఈశ్వరి 

మాయదారి సిన్నోడూ..

అప్పట్లో ఎందరో కుర్రకారుకి మనశ్శాంతి కరువయ్యేలా చేసిన జ్యోతిలక్ష్మి ఈ ఉదయం మరణించారుట. వారి ఆత్మకి శాంతి చేకురాలని కొరుకుంటూ.. ఈ హుషారైన పాట అభిమానుల కోసం. 

ఆడియో ::

http://gaana.com/album/amma-maata

ఈడియో ::

లిరికియో ::

మాయదారి సిన్నోడూ

మనసే లాగేసిండు నా మనసే లాగేసిండు..

లగ్గమెప్పుడురా.. మాఁవా .. అంటే

మాఘమాసం ఎల్లేదాకా మంచిరోజు లేదన్నాడే

ఆగేదెట్టాగా అందాకా ఏగేదెట్టాగా

ఆగేదెట్టాగా అందాకా ఏగేదెట్టాగా

కాఁవమ్మ సెప్పవే.. రాఁవమ్మ సెప్పవే

రత్తమ్మ సెప్పవే.. అత్తమ్మ సెప్పవే

ఆగేదెట్టాగా అందాకా ఏగేదెట్టాగా

మాయదారి సిన్నోడు మనసే లాగేసిండు

మాయదారి సిన్నోడు నా మనసే లాగేసిండు

మాఘమాసం ఎల్లేదాకా మంచిరోజు లేదన్నాడే

ఆగేదెట్టాగా అందాకా ఏగేదెట్టాగా

సింతసెట్టెక్కీ సిగురులు కోస్తుంటే..

సిట్టి సిట్టి గాజుల్లో తాళం ఏస్తుంటే..

సింతసెట్టెక్కీ సిగురులు కోస్తుంటే..

సిట్టి సిట్టి గాజుల్లో తాళం ఏస్తుంటే..

సిగరుల్లో.. సిగురుల్లో..

సిగురుల్లో మాటేసి కన్నుగీటిండే

జివ్వున పానాలు తోడేసిండే..

ఎప్పుడ్రా మాఁవా అంటే..

సంకురాతిరి పొయ్యేదాకా..

మంచి గడియే లేదన్నాడే...

ఆగేదెట్టాగా అందాకా ఏగేదెట్టాగా

ఎల్లమ్మ సెప్పవే.. మల్లమ్మ సెప్పవే

పుల్లమ్మ సెప్పవే.. బుల్లెమ్మ సెప్పవే

ఆగేదెట్టాగా అందాకా ఏగేదెట్టాగా..

ఊరి సెరువులో నే నీదులాడుతుంటే

నీటి నురుగుల్లో తేలి తేలి పోతుంటే

ఊరి సెరువులో నేనీదులాడుతుంటే

నీటి నురుగుల్లో తేలి తేలి పోతుంటే..

బుడుంగున...  బుడుంగున

బుడుంగున మీదికి తేలిండే

నా తడికొంగు పట్టుకుని లాగిండే

ఎప్పుడురా మాఁవా అంటే

శివరాతిరి ఎల్లేదాకా శుభలగ్గం లేదన్నాడే

ఆగేదెట్టాగా అందాకా ఏగేదెట్టాగా

పున్నమ్మ సెప్పవే.. గున్నమ్మ సెప్పవే

కన్నమ్మ సెప్పవే.. సిన్నమ్మ సెప్పవే

ఆగేదెట్టాగా అందాకా ఏగేదెట్టాగా

కందిసేలల్లో కావలి కాసేసి

సందెకాడ ఒంటరిగా డొంకదారినొస్తుంటే

కందిసేలల్లో కావలి కాసేసి

సందెకాడ ఒంటరిగా డొంకదారినొస్తుంటే..

గబుక్కున.. గుబుక్కున..

గబుక్కున కళ్లు రెండు మూసిండే

రివ్వున వాటేసి నవ్వేసిండే

ఏందిరా మాఁవా అంటే

కోడికూసీ కూయంగానే తాళి కడతానన్నాడే..

ఆగేదెట్టాగా ఈ రాతిరి ఏగేదెట్టాగా

అమ్మమ్మ సెప్పవే.. అయ్యమ్మ సెప్పవే

పెద్దమ్మ సెప్పవే.. పిన్నమ్మ సెప్పవే

ఆగేదెట్టాగా అందాకా ఏగేదెట్టాగా

మాయదారి సిన్నోడు నా మనసే లాగేసిండు

కోడి కూసి కూయంగానే తాళి కడతానన్నాడే

ఆగేదెట్టాగా ఈ రాతిరి ఏగేదెట్టాగా

ఆగేదెట్టాగా ఈ రాతిరి ఏగేదెట్టాగా

సైన్మా :: అమ్మ మాట -- 1972

దరువుల్ :: రమేశ్ నాయుడు

రాతల్ :: సినారె

గొంతుల్ :: ఎల్.ఆర్. ఈశ్వరి