మణిరత్నం ఏం చేసినా ఓ ప్రత్యేకత ఉంటుంది. అలాంటిది ఇక స్పెషల్ సాంగ్స్ అంటే ఇంకెంత ప్రత్యేకంగా తీస్తారో చెప్పక్కర్లేదు కదా. గురుకాంత్ సినిమాలో టర్కిష్ బెల్లీ డాన్సర్స్ గా మల్లికా షెరావత్ మీద చిత్రీకరించిన ఈ పాట sizzling అనే పదానికి డిక్షనరీ మీనింగ్ లా ఉంటుంది. మయ్యా అంటే అరబిక్ లో నీరు అని అర్థమట. మరియమ్ టేలర్ అండ్ చిన్మయిల గానం, రెహమాన్ మ్యూజిక్, గుల్జార్/వేటూరి గార్ల లిరిక్స్ కుర్రకారును ఒక ఊపు ఊపేశాయి . సౌండ్ డిజైన్ ఎంత పర్ఫెక్ట్ గా ఉంటుందంటే డాన్సర్ ఒంటిపై బీడ్స్ శబ్దం కూడా వినిపిస్తుంది కొన్ని చోట్ల.
ఈ పాట ఈ బ్లాగ్ లో ఏ కేటగిరీలోకి వస్తుందబ్బా అని అట్టే ఆలోచించకుండా జానకి గారి గొంతులోని నిషాని గుండెనిండా నింపేసుకుని వీకెండ్ మొదలెట్టేయండి మజా మజాగా..
ఈ పాట పాడాక తన స్వరానికి ఓ రెండు రోజులు పూర్తిగా రెస్ట్ ఇవ్వాల్సి వచ్చిందని వేరే ఏ పాటలు పాడలేకపోయానని బాలుగారే ఏదో ఇంటర్వ్యూలో చెప్పినట్లు గుర్తు. ప్రయోగాలు చేయాలన్నా చేయించుకోవాలన్నా కమల్ తర్వాతే కదా. ఇళయరాజా బాణీకి వేటూరి గారి పదాలు గిలిగింతలు పెడతాయ్. ఆ సరదా ఏంటో చూసేసి అసలే చలికాలం కదా మరి నచ్చిన ఫుడ్డు వెచ్చని బెడ్డుతో వీకెండ్ ఎంజాయ్ చేసేయండి.
ఓ వ్యాసంలో ఖదీర్ గారు చెప్పినట్లు ఇది రాత్రి పాట, కోరిక పాట, తాపం పాట, నిప్పు రగిల్చే పాట, అప్పట్లో కుర్రకారుని ఒక ఊపు ఊపేసిన పాట. బాలుగారు ఆటాడుకున్నట్లుగా పాడిన పాట. మీ వీకెండ్ ని ఈ పాటతో ముగించండి.
వేటూరి గారు రాసిన ఈ పాట లిరిక్స్ శ్రద్దగా వింటే ఇది ఐటమ్ సాంగ్ గా కన్నా కూడా కామెడీ సాంగ్ గా అనుకోవచ్చేమో అనిపిస్తుంటుంది. జయమాలిని డ్రస్ కూడా ఈ కాలం హీరోయిన్ల డ్రస్ కన్నా నయమే అనచ్చు..
రాఘవేంద్రరావు గారి సినిమాలలో మాములు పాటలే ఒకరేంజ్ లో ఉంటాయి ఇక ఐటమ్ సాంగ్స్ గురించి ప్రత్యేకంగా చెప్పాలా.. కానీ ఈ పాట చిత్రీకరణ కన్నా విశ్వనాథన్ గారు కంపోజ్ చేసిన ట్యూన్ నాకు చాలా ఇష్టం.
సంగీతంలో చక్రవర్తి గారి ఛమక్కులు, అన్నగారి స్టెప్పుల జిమ్మిక్కులు, జయమాలిని తళుక్కులు వెరసి అప్పట్లో జనాన్ని ఒక ఊపు ఊపేసిన పాట... చూసీ వినీ పాడుకుని ఆనందిద్దాం రండి..
