అసలు సిసలైన మాస్ సినిమాలంటే అన్నగారి సినిమాలే మాస్ సాంగ్స్ అంటే ఆయన సినిమాలో సాంగ్సే. యుగంధర్ సినిమా లోని ఈ ఇళయరాజా గారి పాటను జానకి గారు భలే పాడారు. జయమాలిని అభిమానులకు వినడానికే కాదు చూడడానికి కూడా బావుంటుందనుకోండి.
ఈ పాట ఈ బ్లాగ్ లో ఏ కేటగిరీలోకి వస్తుందబ్బా అని అట్టే ఆలోచించకుండా జానకి గారి గొంతులోని నిషాని గుండెనిండా నింపేసుకుని వీకెండ్ మొదలెట్టేయండి మజా మజాగా..
ఈ పాట పాడాక తన స్వరానికి ఓ రెండు రోజులు పూర్తిగా రెస్ట్ ఇవ్వాల్సి వచ్చిందని వేరే ఏ పాటలు పాడలేకపోయానని బాలుగారే ఏదో ఇంటర్వ్యూలో చెప్పినట్లు గుర్తు. ప్రయోగాలు చేయాలన్నా చేయించుకోవాలన్నా కమల్ తర్వాతే కదా. ఇళయరాజా బాణీకి వేటూరి గారి పదాలు గిలిగింతలు పెడతాయ్. ఆ సరదా ఏంటో చూసేసి అసలే చలికాలం కదా మరి నచ్చిన ఫుడ్డు వెచ్చని బెడ్డుతో వీకెండ్ ఎంజాయ్ చేసేయండి.
ఓ వ్యాసంలో ఖదీర్ గారు చెప్పినట్లు ఇది రాత్రి పాట, కోరిక పాట, తాపం పాట, నిప్పు రగిల్చే పాట, అప్పట్లో కుర్రకారుని ఒక ఊపు ఊపేసిన పాట. బాలుగారు ఆటాడుకున్నట్లుగా పాడిన పాట. మీ వీకెండ్ ని ఈ పాటతో ముగించండి.
వన్నెల విసనకర్రలాంటి చిన్నదాని వెన్నెల నవ్వుల వెలుగుల ముందు దీపావళి దివ్వెల వెలుగులు ఏపాటివి చెప్పండి. అందుకే ఈమె నా నవ్వే దీపావళి అని అంత ధీమాగా పాడగలిగింది. ట్యూన్ క్లాస్ అయినా ఈ పాటలో మిగిలినవన్నీ మాసే.. చూసీ వినీ ఆనందించేయండి.