సంగీతంలో చక్రవర్తి గారి ఛమక్కులు, అన్నగారి స్టెప్పుల జిమ్మిక్కులు, జయమాలిని తళుక్కులు వెరసి అప్పట్లో జనాన్ని ఒక ఊపు ఊపేసిన పాట... చూసీ వినీ పాడుకుని ఆనందిద్దాం రండి..
ఆడియో ::
naasongs.com/gaja-donga.html
ఈడియో ::
లిరికియో ::
నీ ఇల్లు బంగారంగాను...
నా ఒళ్ళు సింగారంగాను...
జోరుమీద ఉన్నావు జోడు కడతావా...
మోజుమీద సన్నజాజి పూలు పెడతావా...
నీ ఇల్లు బంగారంగాను...
నా ఒళ్ళు సింగారంగాను...
పొంగుమీద ఉన్నావు తోడు పెడతావా
మురిపాల మీగడంత తోడిపెడతావా
నీ ఇల్లు బంగారంగాను...
నా ఒళ్ళు సింగారంగాను...
ఓ..హో..గోల్డ్ మేన్
ఓ..హో..గోల్డ్ మేన్
బంగారు కొండమీదా శృంగార కోటలోనా..
చిలకుంది తెమ్మంటావా చిలకుంది తెమ్మంటావా
రతనాల రాతిరేళా.. పగడాల పక్కచూసి..
వలచింది రమ్మంటావా..
ఏడేడు వారాల నగలిస్తే రమ్మంట..
హారాలకే అగ్రహారాలు రాసిస్తా..
అందాల గని ఉంది నువ్వు చూసుకో...
నీకందాక పని ఉంటె నన్ను చూసుకో...
నీ ఇల్లు బంగారంగాను...
నా ఒళ్ళు సింగారంగాను...
వజ్రాలవాడలోన వైడూర్యమంటి నన్నూ..
వాటేయ వద్దంటావా...వాటేయ వద్దంటావా
ముత్యాల మేడలోనా మాణిక్యమంటి నన్నూ
ముద్దాడ వస్తుంటావా..
వరహాల పందిట్లో విరహాలు నీకేల
రతనాల ముంగిట్లొ రాగాలు తీయాల
మేలైన సరుకుంది మేలమాడుకో...
ఓ గీటురాయి మీద దాన్ని గీసి చూసుకో...
నీ ఇల్లు బంగారంగాను..
నా ఒళ్ళు సింగారంగాను..
జోరుమీద ఉన్నావు జోడు కడతావా..
మురిపాల మీగడంత తోడిపెడతావా..అ..హా..హా
సైన్మ :: గజదొంగ - 1980
దరువులు :: చక్రవర్తి
రాతలు :: వేటూరి
గొంతులు :: S.P.బాలు,S.జానకి
కామెంట్‌లు లేవు:
కామెంట్‌ను పోస్ట్ చేయండి
అందరికీ ఆమోదయోగ్యం కాని భాషలో రాసిన వ్యాఖ్యలు ప్రచురించబడవు.